Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 345 Hüküm no: 652 Orijinal metin no: [105b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlâna Deniz Çelebi’nin vakfettiği paradan İsa b. Fazlullah’a ödünç verilmesi Tafsîl budur ki Habip b. Derviş Ali meclis-i şer‘de İsa b. Fazlullah mahzarında takrîr-i merâm kılıp eyitti ki, Mevlâna Deniz Çelebi mescid için vakf ettiği meblağdan iki bin akçe karz-ı hasenden ve üç yüz kaftan bahâsından cem‘an iki bin üç yüz akçe olur işbu târihu’l-kitâbdan sene-i kâmile tamâm olunca edâ etmek üzere verdim, dedikde mezkûr İsa mastûr Habib’i cemî‘ mâ-akarra bihîsinde tasdîk ettikden sonra sebt-i sicil olundu. Tahrîren fî 22 Zilka‘de sene 930. Şuhûdü’l-hâl: Mahmud el-müezzin, Receb Çelebi b. Seydi, Süleyman Halife b. Kara İvaz, Seferşah b. Süleyman. 2.000 Zikr olunan meblağ-ı mezkûr İsa’ya teslîm olunup sebt, Bâli ve Atmaca Hacı zimmetinde kalıp sebt-i sicil olundu. Tahrîren fî Şa‘bân sene 931. Şuhûdü’l-hâl: İbrahim Halife el-imâm, Mehmed b. Süleyman, Mehmed b. İsmail, Süleyman b. Yusuf ve gayruhüm.