Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 347 Hüküm no: 656 Orijinal metin no: [106a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlâna Deniz Çelebi’nin vakfettiği paradan Mehmed b. Hızır’a ödünç verilmesi Tafsîl budur ki Habip Derviş Ali meclis-i şer‘de Mehmed b. Hızır mahzarında takrîr-i merâm kılıp eyitti ki, Deniz Çelebi mezkûr vakf ettiği akçeden üç bin karz-ı hasenden ve dört yüzelli akçe kaftan bahâsından cem‘an üç bin dörtyüz elli akçe olur, işbu târihu’l-kitâbdan sene-i kâmile tamâm olunca edâ etmek üzere verdim, dedikde merkūm Mehmed mezbûr Habib’i cemî‘ mâ-akarra bihîsinde tasdîk eyleyip ve mezbûr meblağın zararına Musa b. Mustafa kefîl bi’l-mâl olup ve rehin Musa’ya bir sakındırak verdim, eğer sene-i kâmilde edâ olunmazsa onu bey‘ eyleyip edâ oluna, dediği talebiyle deftere sebt olundu. Tahrîren fî 12 Zilhicce sene selâsîne ve tis‘a mi’e. Şuhûdü’l-hâl: Mustafa b. Yahya, Kulağuz b. Aslıhan, Hacı İsa b. Mustafa, Süleyman birâder-i o, Kassâb Mahmud b. Abdullah.