Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 350 Hüküm no: 663 Orijinal metin no: [107a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mevlâna Deniz Çelebi’nin vakfettiği paradan Musa b. Mustafa’ya ödünç verilmesi Vech-i tahrîr-i sicil budur ki Şücâ‘ Fakih b. İvaz meclis-i şer‘de nefs-i Üsküdar’dan Musa b. Mustafa mahzarında Mevlâna Deniz Çelebi Efendi vakf eylediği akçeden iki bin karz-ı hasenden ve üç yüz akçe kaftan bahâsından târih-i hâze’l-kitâbdan sene-i kâmile tamâm olunca edâ etmek üzere verdim, dedikde mezkûr Musa dahi vech-i meşrûh üzere tasdîk eyledikten sonra meblağ-ı mesfûra nefs-i Üsküdar’dan Mustafa b. Yahya kefîl bi’l-mâl olup sebt-i sicil olundu. Tahrîren fî târihi’l-mezbûr ve seneti’l-mezbûre. Şuhûdü’l-hâl: Hamamcı Hızır b. Yusuf, İsa b. Kulağuz, Mehmed b. İsmail, Kemal b. Yakup, Mevlâna Hasan b. Süleyman ve gayruhüm.