Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 76 Hüküm no: 18 Orijinal metin no: [2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Ahmed’in evini Karagöz b. Mahmud’a sattığı (bey‘-i kat‘) Sebeb-i tahrîr-i hurûf oldur ki Hergele mahallesinden Mustafa b. Ahmed meclis-i [şer‘de] ikrâr ve i‘tirâf kılıp dedi ki mahalle-i mezbûrda vâkī‘ olan mülk çatma evim ki bahçesiyle ve helâsıyla tevâbi‘ ve levâhıkıyla işbu Karagöz b. Mahmud nâm kimesne iki bin üç yüz akçeye bey‘-i kat‘ ile bey‘ eyledim deyicek mukırr-ı mezbûru mukarrun lehü’l-mezbûr Karagöz cemî‘-i mâ ekarra bihisinde bi’l-muvâcehe tasdîk edip mâ hüve’l-vâkī‘ merkūm Karagöz talebiyle tescîl olundu. Tahrîren fî evâili Şevvâl sene erba‘în ve tis‘a mi’e. Şuhûdü’l-hâl: Memi b. Şaban ve Mustafa b. Abdullah ve Hasan b. Mustafa ve Pîrî b. Mustafa ve Halil b. Mustafa Ali b. Abdullah ve Ali b. İbrahim ve Yaycı Reis ve gayruhüm mine’l-hâzırîn.