Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 81 Hüküm no: 32 Orijinal metin no: [4a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yoros kazasındaki hicrî 940 senesi timar ve diğer vergi gelirlerinin İskender b. Abdullah’a mukataaya verildiği Sebeb-i tahrîr-i sicil budur ki İskender Bey b. Abdullah ve şerîki Mustafa meclis-i şer‘de ikrâr ve i‘tirâf kılıp dediler ki kazâ-i Yoros’da vâkī‘ olan timarımızın hâsıllarını, çift akçesini ve yer tapusunu ve sâir rüsûm-ı örfiyyesini ve şer‘iyyesini işbu sene erba‘în ve tis‘a mi’e vâkī‘ olan rüsûmların ve bâd-ı havâların ve hâssa çiftlik ve çayır dahi bile işbu İskender b. Abdullah nâm kimesne[ye] iki yüz elli akçeye mukāta‘aya verdim deyicek mukırrân-ı mezbûrânı mukarrun lehü’l-mezbûr İskender bi’l-muvâcehe tasdîk edip mâ hüve’l-vâkī‘ bi’t-taleb tescîl olundu. Tahrîren fî evâili Zilka‘de sene 940. Şuhûdü’l-hâl: Hacı Lütfi b. Hasan ve Mahmud b. İshak ve Fakīh? b. Mehmed ve Kılavuz b. Aslıhan ve gayruhüm.