Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 87 Hüküm no: 55 Orijinal metin no: [6b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy vergi gelirlerinin Yani b. Sartuva’ya mukataaya verildiği Sebeb-i tahrîr-i sicil budur ki Merhûm Fazlullah Paşa evkāfına mütevellî olan Hasan Halîfe b. Yakub meclis-i şer‘de ikrâr ve i‘tirâf kılıp dedi ki evkāf-ı mezbûreden karye-i Çengel’i üç yıla ispençesiyle ve harâc ve sâir bâd-ı havâsıyla elli yedi bin akçeye işbu sâhibü’s-sicil Yani b. Sartuva’ya mukāta‘aya verdim deyicek mukırr-ı mezbûru mukarrun lehü’l-mezbûr Yani tasdîk edip karye-i mezbûreyi ber vech-i maktû‘ elli yedi bin akçeye kabûl ettim dedikde mezbûrların ikrârları mu‘teber görülüp bi’t-taleb tescîl olundu. Şuhûdü’l-hâl: Bâli b. Aslıhan ve Murad b. Abdullah ve Mustafa Bey ve gayruhüm.