Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 93 Hüküm no: 72 Orijinal metin no: [8b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Paşa Camii’ni tamir eden Mustafa b. Abdullah’a ücretinin bir kısmının ödendiği Sebeb-i tahrîr-i hurûf oldur ki Merhûm Mehmed Paşa’nın kasaba-i Üsküdar’da vâkī‘ olan imâretine mütevellî olan Şahkulu ile Mustafa b. Abdullah meclis-i şer‘a hâzırân olup Üsküdar’da vâkī‘ olan merhûm Mehmed Paşa’nın câmi‘inin ve tevhânelerin cemî‘ meremmâta muhtâc olan yerlerini mezbûr Mustafa dört bin akçeye meremmât etmeye iltizâm ettim bi’l-fi‘l altı yüz akçe aldım deyicek mukırr-ı mezbûr Mustafa’yı mersûm Şahkulu cemî‘-i mâ ekarra bihisinde vicâhen ve şifâhen tasdîk edip zikr olan câmi‘in ve tevhânelerin meremmâtı için mesfûr Mustafa’ya dört bin akçe vermeye kavl ettim deyicek mezkûrların kaviller[i] câiz ve mu‘teber görülüp sıhhat-i akde hükm olundu hükmen sahîhan şer‘iyyen nâfizen ba‘de’t-taleb ve’s-su’âl kaziyye vukū[‘u] üzre deftere kayd olundu. Tahrîren fî evâsıtı Zilhicce sene erba‘în ve tis‘a mi’e. Şuhûdü’l-hâl: Hoca Kābil b. Abdullah, Memi b. Mustafa ve Ömer Baba b. İbrahim ve gayruhüm.