Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 94 Hüküm no: 76 Orijinal metin no: [9a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar civarı kayıp mal ve yava mukataasının Mustafa’ya verildiği Sebeb-i tahrîr-i sicil budur ki Yava kâfirler ve âzâde kâfirler ve çingeneler harâcın zabt eden Abdülkādir li sene erba‘în ve tis‘a mi’e Muharremü’l-harâm on sekizinden işbu Mustafa b. Mahmud’a Üsküdar kurbunda vâkī‘ olan yava kâfirler ve beytülmâlin ve mâl-ı gāibin sâbık âmil olan Ali ve Hızır mutasarrıf olduğu yerlerde vâkī‘ olan yava kâfirler harâcını ve bâd-ı havâsını mezbûrân âmiller ne mikdâr akçe mukāta‘aya iltizâm eylediler ise mezbûr Mustafa beş yüz akçe ziyâdeye iltizâm eylediği sebebden mezbûr Mustafa’ya mukāta‘aya verdim deyicek mezkûrların ikrârları istimâ‘ olunup merkūm Mustafa bi’l-muvâcehe tasdîk edip bi’t-taleb tescîl olundu. Tahrîren fî evâsıtı Zilhicce sene erba‘în ve tis‘a mi’e Şuhûdü’l-hâl: Memi b. Süleyman ve Kara Mustafa b. Turhan ve Musa b. Nebi ve gayruhüm.