Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 95 Hüküm no: 78 Orijinal metin no: [9b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çengelköy’ün vergi gelirlerinin mukataaya verildiği Sebeb-i tahrîr-i sicil budur ki Merhûm Fazlullah Ağa evkāfına mütevellî olan Hasan Halîfe b. Yakub şer‘-i şerîf-i Nebevî meclisinde ikrâr ve i‘tirâf kılıp eyitdi ki evkāf-ı mezbûrdan karye-i Çengel’i işbu Dimitri b. Marko ve Dimitri b. Kosta ve Karaca b. Yusuf ve Kosta b. Marko ve Kefaloz nâm kimesnelere üç yıla altmış bir bin akçeye cemî‘-i bâd-ı havâsıyla mezbûrlara mukāta‘aya verdim deyicek mezbûrûn dahi zikr olan mukāta‘aya her mevsimde mevsimiyle her mahsûlü edâ etmek üzre iltizâm eyledik dediklerinden sonra mezkûrların ikrârları istimâ‘ olunup bi’t-taleb tescîl olundu. Tahrîren fî evâsıtı Şa‘bâni’l-mu‘azzam sene 940. Şuhûdü’l-hâl: Bâli b. Aslıhan ve Hacı ve Memi b. Süleyman ve kâtibü’l-hurûf Abdülkādir ve gayruhüm.