Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 97 Hüküm no: 85 Orijinal metin no: [10a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali ve İsak’ın Manol’de öşür bedelinden alacağının kalması Sebeb-i tahrîr-i sicil budur ki Karye-i Kadı’dan köhne âmiller Ali ve İsak nâm kimesneler meclis-i şer‘a Manol nâm zimmî[yi] ihzâr eyleyip üzerine takrîr-i merâm kılıp dediler ki mezbûr[a] bizim tahvîlimizde iki yüz seksen akçe öşr-i bostan ta‘yîn olunmuş idi yüz akçesin aldık bâkī zimmetinde yüz seksen akçe kaldı deyicek merkūm Manol’den su’âl olıcak meblağ-ı mezbûrun cemî‘sini verdim üzerimde bir akçe yoktur deyicek merkūmdan alâ mâ idde‘â beyyine [taleb] olundu beyyinesi üç gün va‘de ile te’hîr olunmak üzre tescîl olundu. Şuhûdü’l-hâl: Dede b. Hasan ve Bâli b. Aslıhan ve gayruhüm.