Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 106 Hüküm no: 112 Orijinal metin no: [13b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Manol’ün İstati ve Dimitri’den satın aldığı atın ayıplı olduğu Sebeb-i tahrîr-i sicil budur ki Kosta b. Manol ve İstati ve Dimitri nâm kâfirler meclis-i şer‘a hâzırûn olup mezbûr Kosta takrîr-i merâm kılıp eyitdi ki İstati ve Dimitri nâm kimesneler[den] bir at satın aldım idi hâliyâ ayıbı zâhir oldu deyicek mezbûrândan su’âl olıcak cevâb verip dediler ki mezbûr ata bir gün hizmetlen andan sonra kabûl etmezsen bize teslîm eyle dedik deyicek getirip bize teslîm eylemedin dediklerinden sonra mezbûr Kosta ayıbı ile üzerlerine redd eyledim anlar dahi kabûl eylediler deyicek mezbûra yemîn [verilip] merkūm bârgir sâhibine hükm olundu tescîl olundu. Şuhûdü’l-hâl: Dede b. Hasan ve gayruhüm.