Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 110 Hüküm no: 124 Orijinal metin no: [15a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Câbi İbrahim b. Gündüz’ün Selman Ağa Vakfı’na olan borcuna Abdurrahman’ın kefil olduğu Sebeb-i tahrîr-i sicil oldur ki Câbi İbrahim b. Gündüz şer‘-i şerîf-i Nebevî meclisinde ikrâr ve i‘tirâf kılıp eyitdi ki işbu Süheyl b. Abdullah nâm kimesneye Selman Ağa vakıf akçesinden bin yüz akçe deynim vardır bin akçesi karz-ı hasendendir ve yüz akçesi âsumânî kaftan bahâsındandır zikr olan meblağ-ı merkūma Abdurrahman kefîl bi’l-mâl olup bi’t-taleb tescîl olundu. Tahrîren fî evâili Muharremi’l-harâm sene ihdâ ve erba‘în ve tis‘a mi’e. Şuhûdü’l-hâl: Burhan b. Hasan, İbrahim b. Mehmed ve Cafer b. Mustafa ve Süleyman b. Hacı Mehmed ve gayruhüm.