Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 117 Hüküm no: 145 Orijinal metin no: [17a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskender b. Abdullah’ın Sinan Ağa Vakfı’ndan aldığı ödünç için Yusuf b. Abdullah’ın kefil olduğu Sebeb-i tahrîr-i sicil budur ki İskender b. Abdullah şer‘-i şerîf meclisinde ikrâr ve i‘tirâf kılıp eyitdi ki Sinan Ağa akçesinden işbu Süheyl nâm kimesneye karz-ı hasenden beş yüz akçe ve ferâce bahâsından yüz akçe cem‘an altı yüz akçe lâzımü’l-kazâ deynim olup zikr olan [meblağın] edâsına Yusuf b. Abdullah kefîl bi’l-mâl oldum dedikden sonra mezbûr ikrârları istimâ‘ olunup bi’t-taleb tescîl olundu. Târihü’l-mezbûr. Şuhûdü’l-hâl: Alâaddin Halîfe b. Mehmed Fakīh ve Hayreddin Reis b. Abdullah ve Halil b. Kaya ve gayruhüm.