Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 117 Hüküm no: 147 Orijinal metin no: [17b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmî adlı kadının miras işleri için annesi Şerife Hoca bt. Hamza’yı vekil tayin ettiği Sebeb-i tahrîr-i sicil budur ki Şerife Hoca bt. Seyyid Hamza şer‘-i şerîf-i Nebevî meclisine hâzıre olup takrîr-i merâm kılıp eyitdi ki kızım Ümmî nâm hâtuna mahrûse-i Bursa’da Derviş Hüsam ammisi vefât edip verâset buna münhasır olup hâliyâ dört bin mikdârı akçe beytülmâle zabt olunmuş meblağ-ı mezbûru hazîneden ihrâc eylemeğe beni [vekîl] eyledi deyicek mezbûre Şerife Hoca’nın kızı Ümmî kıbelinden vekâleti Hoca Kābil b. Abdullah ve Hayreddin Bey b. Abdullah şehâdetleri olup tescîl olundu. Tahrîren fî evâsıtı Muharremi’l-harâm sene ihdâ ve erba‘în ve tis‘a mi’e. Şuhûdü’l-hâl: Bâli b. Aslıhan ve Dede b. Hasan ve gayruhüm.