Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 128 Hüküm no: 185 Orijinal metin no: [22a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Sulayid ve İshak b. İbrahim’in her konuda sulh olması Sebeb-i tahrîr-i sicil budur ki Yorgi b. Sul[ayid] İshak b. İbrahim ile şer‘-i şerîf meclisinde hâzırân olup mezkûr İshak takrîr-i merâm kılıp eyitdi ki Yorgi alışdan verişten ve öşrden ve bağ ve bostan öşüründen cümle da‘vâdan ve nizâ‘dan berî olmak üzre mezbûr Yorgi merkūm İshak’a iki yüz akçe verip ve merkūm İshak dahi ben de mezbûr Yorgi’nin çulha kaftanın verip min ba‘d da‘vâ ve nizâ‘ olmamak üzre ibrâ eylediler mezbûrlar bi’t-taleb mâ hüve’l-vâkī‘ tescîl olundu. Şuhûdü’l-hâl: İsbet Mustafa b. Abdullah ve Bâli b. Aslıhan ve Memi b. Mehmed ve Süleyman.