Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 134 Hüküm no: 204 Orijinal metin no: [24b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Mustafa b. Karaca’ya ödünç verildiği Sebeb-i tahrîr-i sicil budur ki Mustafa b. Karaca şer‘-i şerîf meclisinde ikrâr edip dedi ki işbu Selman Ağa vakf ettiği akçeden vakf-ı mezbûra mütevellî olan Süheyl nâm kimesneye bin akçe karz-ı hasenden ve yüz akçe sâkin olduğum ev kirâsından cem‘an bin yüz akçe lâzımü’l-edâ deynim vardır deyicek mukırr-ı mezbûru mezkûr Süheyl bi’l-muvâcehe tasdîk edip zikr olan meblağ için sâkin olduğum ma‘lûmü’l-hudûd evimi bey‘ eyledim meblağ-ı merkūmdan yüz akçesi ev kirâsından dedikden sonra mezkûrun ikrârı bi’t-taleb tescîl olundu. Tahrîren fî evâili Muharremi’l-harâm sene 941. Şuhûdü’l-hâl: Hasan Fakīh b. Süleyman ve Beşir Fakīh b. Hüsam ve Budak b. Dâvud ve gayruhüm.