Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 142 Hüküm no: 230 Orijinal metin no: [27b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Marola bt. Dimitri’nin ev ve bağını Kasım b. Abdullah’a sattığı (bey‘ bi’l-istiğlâl) Sebeb-i tahrîr-i sicil budur ki Karye-i İstavros’dan Marola bt. Dimitri şer‘-i şerîf-i Nebevî meclisinde ikrâr [ve] i‘tirâf kılıp eyitdi ki karye-i mezbûrda bir mülk evim ki mahdûddur bir taraf tarîk-i âm ve bir taraf Matoz ve bir taraf Kāsım mülküne ve bir taraf Yorgi evine zikr olan tevâbi‘ ile ve bir bağım ki mahdûddur tarîk-i âm ve Sinan tarlası ile ve bir taraf bâyi‘ mülküne ve bir taraf Manol mülküyle mücâvir olan bağımızı ve zikr olan evimi hâmil-i hâze’l-kitâb Kāsım b. Abdullah’a iki bin akçeye bey‘ eyledim [semen-i mezbûru kabz edip mebî‘-i mesfûru teslîm eyledim dedikde mezbûr Kāsım] semen-i mezbûru dahi teslîm edip mebî‘-i mesfûru kabz eyledim ve zikr olan evi mezbûreye her yılda iki yüz akçe icâreye verdim ve zarar-ı mala dahi zevci Yorgi b. Helvacı kefîl olup mâ hüve’l-vâkī‘ Kāsım talebiyle tescîl olundu. Tahrîren fî evâili Rebi‘ilevvel sene 941. Şuhûdü’l-hâl: Kılavuz b. Aslıhan ve Hacı Pîrî b. Dülger ve Dede b. Hasan ve gayruhüm.