Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 145 Hüküm no: 238 Orijinal metin no: [28b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ferhad b. Abdullah’ın peremesiyle İstanbul’a götürdüğü Hâni Hatun ve câriyesi ile zina etmediği Sebeb-i tahrîr-i sicil budur ki Üsküdar subaşısı Mustafa Bey şer‘-i şerîf meclisine Ferhad b. Abdullah nâm kimesneyi ihzâr eyleyip takrîr-i merâm kılıp eyitdi ki müşârün-ileyh Ferhad Kadıköyü’nden Hâni nâm hâtun[u] bir câriyesiyle pereme ile İslâmbol’a alıp giderken yolda dönüp bir kenara çıkıp mezbûre hâtunlara gasben ve cebren zinâ eylemişsin dedikde merkūm Ferhad nâm şahıstan su’âl olıcak cevâb verip mezbûre hâtunlar peremeye girmişler ben dahi bilece girip İslâmbol’a giderken deryâda ziyâde şiddet ve rüzgârın muhâlefeti olup doğru yolumuza gitmek müyesser olmayıp bi’z-zarûrî bir kenara çıkarıp mezkûre hâtunlara zinâmız ve töhmetimiz yoktur deyip bi hasebi’ş-şer‘ zinâ sâbit olmamağın Kelâm-ı Kadîm’e yemîn verilip subaşı-i mezkûra teslîm olunup tescîl olundu. [Şuhûdü’l-hâl]: Mustafa Çelebi b. Hacı Bey ve Müstecâb b. Hasan ve Sinan Halîfe b. Mahmud ve Musa b. Kutbeddin ve gayruhüm.