Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 151 Hüküm no: 259 Orijinal metin no: [31b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan iki kervansaray ve iki dükkânın İskender b. Abdullah’a mukataaya verildiği Vech-i tahrîr-i hurûf oldur ki Kasaba-i Üsküdar’dan İskender b. Abdullah şer‘-i şerîf meclisinde ikrâr [ve] i‘tirâf kılıp eyitdi ki kasaba-i mezbûr[d]a merhûm Selman Ağa’nın vakıf iki kervansarayını ve iki dükkânını bir yılda bin akçe mukāta‘a[ya] vermesine iltizâm eyledim ve sene-i sâbıktan dahi kervansaray akçesin[den] beş yüz akçe dahi zimmetimde deynim lâzımü’l-edâ ve vâcib deynimdir [deyû] ikrâr eyledi ve Hacı Ali b. Abdullah zarar-ı mala kefîl oldum dedikden sonra mezkûrların ikrârların evkāf-ı mezbûre kâtib[і] olan Süleyman bi’l-muvâcehe tasdîk bi’t-taleb tescîl olundu. Tahrîren fî evâili Rebi‘ilevvel sene ihdâ erba‘în ve tis‘a mi’e. Şuhûdü’l-hâl: Lütfi Çelebi b. Hüseyin ve Muharrem b. Yusuf ve Süleyman b. Kasap ve Mustafa b. Kaymak ve gayruhüm.