Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 152 Hüküm no: 263 Orijinal metin no: [32a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gebze, Kandıra, Şile ve Yoros’taki vergi gelirlerinin İbrahim’e iltizama verildiği Vech-i tahrîr-i hurûf oldur ki Kazâ-i Gekvize ve Kandırı ve Şile ve Yoros kadılıklarında yurt tutunan yava kâfirlerin resm-i ganemleri hâric ez defter olup Süleyman nâm kimesne üç yıl dört bin beş yüz akçeye iltizâm eyleyip hâliyâ İbrahim nâm kimesne zikr olan yava kâfirlerin âdet-i ganemi üç yılda vâcib olan beş bin akçeye iltizâm eyledim dedikden sonra kasaba-i Üsküdar’dan Hasan b. Abdullah kefîl bi’l-mâl oldukdan sonra mâ hüve’l-vâkī‘ vukū‘ üzre bi’t-taleb tescîl olundu. Tahrîren fî evâhiri Rebi‘ilâhir sene 941. Şuhûdü’l-hâl: Burhan b. Hasan ve Bâli b. Aslıhan ve gayruhüm.