Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 154 Hüküm no: 269 Orijinal metin no: [32b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’na ait bostanın Yusuf’a mukataaya verildiği Vech-i tahrîr-i hurûf oldur ki Merhûm Selman Ağa evkāfından kasaba-i Üsküdar mescidi kurbunda olan vakıf bostanın mukāta‘asını evkāf-ı mezbûreye nâzır olan Budak nâm kimesne üç yıla dört bin yedi [yüz?] akçeye sâhibü’s-sicil Yusuf nâm şahsa mukāta‘aya verdim dedikden sonra mukırr-ı mezbûru mukarrun lehü’l-mezbûr Yusuf bi’l-muvâcehe tasdîk edip zikr olan bostanın her senede kıstın verip mukāta‘a-i mezbûreye iltizâm eyledim deyicek mâ hüve’l-vâkī‘ vukū‘ üzre tescîl olundu. Tahrîren fî evâili Rebi‘ilevvel sene 941. Şuhûdü’l-hâl: Behlül Hoca ve kâtibü’l-hurûf ve gayruhüm.