Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 175 Hüküm no: 340 Orijinal metin no: [41a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’nin Mehmed b. Abdullah ile alacak verecek konularında sulh oldukları Sebeb-i tahrîr-i sicil budur ki Emir b. Çepni şer‘-i şerîf meclisinde ikrâr ve i‘tirâf kılıp eyitdi ki işbu sâhibü’s-sicil Mehmed b. Abdullah ile alışdan verişten ne mikdâr akçem ve alımım var ise aldım mezbûr Mehmed üzerinde bir akçem ve bir habbem yoktur cemî‘an borcunu bana edâ eyledi ben aldım mezbûrda bir akçem kalmadı ve min ba‘d da‘vâm ve nizâ‘ım dahi yoktur deyicek mukırr-ı mezbûru mukarrun lehü’l-mezbûr Mehmed bi’l-muvâcehe tasdîk mâ hüve’l-vâkī‘ Mehmed talebiyle tescîl olundu. Şuhûdü’l-hâl: Ahmed Bey b. Abdullah ve Hacı Bey b. Abdullah ve Mustafa Reis ve Hayreddin muhzır ve gayruhüm.