Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 183 Hüküm no: 371 Orijinal metin no: [43(2)b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vasî Sadık b. Mustafa’nın Sefer ve Ayşe adlı yetimlere ait köle bedelini Hamza b. Abdullah’tan aldığı Sebeb-i tahrîr-i sicil budur ki Sefer ve Ayşe nâm yetimlere kıbel-i şer‘den vasî olan Sâdık b. Mustafa şer‘-i şerîf meclisinde ikrâr ve i‘tirâf kılıp eyitdi ki vasîsi olduğum mezkûr yetimlerin işbu Hamza b. Abdullah nâm kulda kendi bahâsından dört yüz elli akçeyi aldım deyicek mukırr-ı mezbûru mukarrun lehü’l-mezbûr bi’l-muvâcehe tasdîk edip tescîl olundu. Şuhûdü’l-hâl: Bâli b. Çepni ve Memi b. Süleyman ve Hayreddin b. Musa ve Dede b. Hasan ve gayruhüm.