Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 202 Hüküm no: 432 Orijinal metin no: [51b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’nin Yani b. Pazarcı’ya borçlu olmadığı Sebeb-i tahrîr-i sicil budur ki Karye-i Çengel’den Yani [b.] Pazarcı ile Emir b. Çepni meclis-i şer‘a hâzırân [olup] mezkûr Yani şöyle takrîr-i da‘vâ kılıp eyitdi ki merkūm Emir zimmetinde otuz sıkım küftün bey‘ eyledim hâliyâ akçesin taleb ederim mezkûr Emir’den su’âl olıcak senin ile bu husûsu ibrâ ve iskāt eyledik mezkûr Yani ibrâ ve iskāt eylediğimizden sonra otuz sıkım küftünü bey‘ eyledim deyicek mezkûr Yani’den beyyine taleb oldukda bu husûsa şâhidim yoktur mersûm Emir’e yemîn verin deyicek mezkûr Emir’e ibrâdan sonra alınmadı deyû yemîn verilip Emir-i mezbûr talebiyle mâ hüve’l-vâkī‘ tescîl olundu. Şuhûdü’l-hâl: Kâtib Ferhad ve Hüsrev b. Yakub ve Dede b. Hasan ve Hızır muhzır ve gayruhüm.