Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 205 Hüküm no: 442 Orijinal metin no: [52b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’nin Murad b. Abdullah’tan alacağını tahsil ettiği Sebeb-i tahrîr-i sicil budur ki Emir b. Çepni şer‘-i şerîf meclisinde ikrâr ve i‘tirâf edip dedi ki işbu Murad b. Abdullah nâm kimesneden yedi bin akçe alımım var idi hâliyâ bî-kusûr aldım bana vâsıl oldu deyicek mukırr-ı mezbûru mukarrun lehü’l-mezbûr Murad bi’l-muvâcehe tasdîk edip dedi ki yedi bin akçeyi bî-kusûr Çepni’ye teslîm eyledim deyicek mezkûr Emir b. Çepni’nin ikrârını merkūm Murad talebiyle tescîl olundu. Şuhûdü’l-hâl: Mustafa b. Abdullah ve Bâli b. Aslıhan ve Muharrem b. Memi ve Hayreddin ve gayruhüm.