Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 207 Hüküm no: 447 Orijinal metin no: [53a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nefise bt. Oruç ile kardeşi Nazar Reis’in miras konusunda sulh oldukları Sebeb-i tahrîr-i sicil budur ki Nefîse bt. Oruc karındaşı Nazar Reis ile meclis-i şer‘de hâzırân olup mezbûre Nefîse takrîr-i da‘vâ kılıp eyitdi ki işbu karındaşım Nazar Reis’te babamdan intikāl eden metrûkâttan mezbûr Nazar’ın üzerinde yüz yetmiş beş akçe vardır deyicek mezkûr Nazar’ın inkârından sonra muslihûn araya düşüp mezkûr Nazar’dan mezbûre hâtuna yüz akçe alıverilip min ba‘d babamdan intikāl eden ve metrûkât husûsundan min ba‘d ferâgat eyledim ba‘de’l-yevm vechen mine’l-vücûh metr[û]kât husûsunda nizâ‘ım olmaya, olursa istimâ‘ olunmaya ibrâ ve iskāt ettikden sonra merkūm Nazar Reis talebiyle mâ hüve’l-vâkī‘ tescîl olundu. Şuhûdü’l-hâl: Bâli b. Aslıhan ve Hızır b. Ahmed ve Dede b. Hasan ve gayruhüm.