Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 213 Hüküm no: 468 Orijinal metin no: [55a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Numan Çelebi b. Sinan’ın câbi İbrahim b. Gündüz’den alacaklı olduğu Vech-i tahrîr-i hurûf oldur ki Numan Çelebi b. Sinan Fakīh meclis-i şer‘a câbi İbrahim b. Gündüz’ü ihzâr eyleyip mezbûr Numan mezkûr İbrahim zimmetinden altı yüz akçe alımım vardır babam hâl-i hayâtında ve kemâl-i sıhhatinde verdiği akçeden dokuz bin dört yüz akçeden cemî‘an aldım elân mezkûr İbrahim zimmetinde altı yüz akçemiz bâkī kaldı deyicek mezkûrun kelâmını merkūm İbrahim bi’l-muvâcehe tasdîk edip mâ hüve’l-vâkī‘ bi’t-taleb tescîl olundu. Şuhûdü’l-hâl: El-Hacı Süleyman b. Abdi ve Hacı Mustafa el-İmâm-ı İbrahim Ağa ve Kilerci Mustafa b. Abdullah ve Hızır b. Ahmed ve gayruhüm.