Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 213 Hüküm no: 470 Orijinal metin no: [55b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sinan Bey b. İskender’in Emir b. Çepni’den köle bedelinden alacaklı olduğu Sebeb-i tahrîr-i sicil budur ki Sinan Bey b. İskender şer‘-i şerîf meclisinde Emir b. Çepni ile hâzırân olup mezbûr Sinan takrîr-i da‘vâ kılıp eyitdi ki işbu Emir b. Çepni’ye iki bin beş yüz akçeye bir kul bey‘ eyledim hâliyâ akçesi bana vâsıl olmadı taleb ederim deyicek mersûm Emir’den su’âl olıcak zikr olan meblağı sana teslîm eyledim üzerimde kul bahâsından bir akçe deynim yoktur deyicek mezkûr Çepni’nin zikr olan kulu mersûm Sinan Bey’den iki bin beş yüz akçeye satın aldım deyû ikrârını merkūm Sinan Bey talebiyle tescîl olundu. Şuhûdü’l-hâl: Mustafa b. Mahmud Kasap ve Hızır b. Ahmed ve kâtibü’l-hurûf Abdülkādir ve gayruhüm.