Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 221 Hüküm no: 493 Orijinal metin no: [58a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa Vakfı’ndan Todora b. Dimitri’ye ödünç verildiği Sebeb-i tahrîr-i sicil budur ki Karye-i Herekedon’dan Todora b. Dimitri şer‘-i şerîf meclisinde ikrâr ve i‘tirâf kılıp eyitdi ki merhûm İbrahim Ağa vakıf akçesinden işbu câbi İbrahim b. Gündüz’e beş yüz akçe karz-ı hasenden ve elli akçe kaftan bahâsından cem‘an beş yüz elli akçe lâzımü’l-edâ ve vâcibü’l-kazâ deynim vardır dedikde mukırr-ı mezbûru mukarrun lehü’l-mezbûr câbi bi’l-muvâcehe tasdîk edip ve bi’t-taleb tescîl olundu. Târihü’l-mezbûr, Şuhûdü’l-mezkûr.