Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 223 Hüküm no: 501 Orijinal metin no: [59a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aşçı Hüseyin b. Abdullah’ın İbrahim Ağa Vakfı’na borçlu olduğu Sebeb-i tahrîr-i sicil budur ki Kasaba-i Üsküdar[’dan] Aşçı Hüseyin b. Abdullah meclis-i şer‘de ikrâr ve i‘tirâf kılıp eyitdi ki işbu İbrahim Ağa vakıf akçesinden câbisi olan İbrahim b. Gündüz’e üç yüz elli akçe lâzımü’l-edâ ve vâcibü’l-kazâ deynim vardır deyicek Turhan b. Kāsım zikr olan meblağa kefîl bi’l-mâl oldum dedikden sonra mezkûrların ikrârlarını merkūm câbi İbrahim taleb[iyle] tescîl olundu. Tahrîren fî evâili Şevvâli’l-mükerrem sene 941. Şuhûdü’l-hâl: Bâli b. Aslıhan ve Hacı Kepçe b. Süleyman ve gayruhüm.