Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 236 Hüküm no: 543 Orijinal metin no: [64a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’nin Kirana Hatun’dan alacaklı olduğu Sebeb-i tahrîr-i sicil budur ki Karye-i Çengel’den Kirana nâm hâtun ile Emir b. Çepni meclis-i şer‘de hâzırân olup mezbûr Emir takrîr-i da‘vâ kılıp dedi ki işbu Kirana’ya bin sekiz yüz akçe verdim hâliyâ taleb ederim deyicek mezkûre Kirana’dan su’âl olıcak cevâb verip dedi ki mersûm Emir’den bin beş yüz akçe aldım ve lâkin bin beş [yüz] akçeyi merkūm Emir’e verdim teslîm eyledim bu husûsa teslîmine şâhidlerim vardır dedikde mezbûr Emir mücerred mezbûrenin bin beş yüz akçeyi aldım dediğini tescîl ediverin dediği sebebden vâkī‘ hâl tescîl olundu. Tahrîren fî evâhiri Zilka‘de sene 941. Şuhûdü’l-hâl: Ali b. Musa ve Hızır b. Ahmed ve Hayreddin b. Abdullah ve Dimitri b. Marko ve gayruhüm.