Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 236 Hüküm no: 546 Orijinal metin no: [64a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Geço Ali’nin İbrahim Ağa Vakfı’na borçlu olduğu Sebeb-i tahrîr-i sicil budur ki Câbi İbrahim b. Gündüz ile müteveffâ Geço Ali’nin kıbel-i şer‘den vasî nasb olan Memi b. Süleyman ile meclis-i şer‘de hâzırân [olup] mezkûr câbi İbrahim şöyle takrîr-i da‘vâ kılıp eyitdi ki işbu müteveffâ Ali’nin üzerinde merhûm İbrahim Ağa vakıf akçesinden bin yüz akçe vardır hâliyâ taleb ederim deyicek merkūm vasî olan Memi’den su’âl olıcak inkâr eyleyip benim ma‘lûmum değildir dedikde mersûm câbi İbrahim’den alâ mâ idde‘â beyyine taleb olundukda Hacı Kepçe Süleyman b. Abdi ve Mustafa b. Abdullah edâ-i şehâdet kılıp dediler ki mezkûr Ali fevt olup İbrahim Ağa vakıf akçesinden üzerinde bin yüz akçe kaldı fevt olup elân üzerindedir dediklerinden sonra ba‘de’t-tezkiyyeti’ş-şer‘î ve’t-tahlîfi’l-âdî mezkûrların şehâdetleri hayyiz-i kabûlde vâkī‘ olup zikr olan meblağ mezbûrun muhallefâtından hükm olunup vasî-i mezbûra ihrâc ediver dedikden sonra mâ hüve’l-vâkī‘ bi’t-taleb tescîl olundu. Şuhûdü’l-hâl: Mustafa Bey b. Abdullah ve Mehmed b. Ali ve Korucu Hacı Bey b. Abdullah ve Hızır b. Ahmed ve gayruhüm.