Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 244 Hüküm no: 571 Orijinal metin no: [67a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni ile Kirana bt. Yani’nin alacak davasında sulh oldukları Sebeb-i tahrîr-i sicil budur ki Emir b. Çepni şer‘-i şerîf meclisinde şöyle ikrâr ve i‘tirâf kılıp eyitdi ki işbu Kirana bt. Yani’de bin altı yüz akçe alımım var idi vekîlim olan kapıcı Hüseyin zikr olan meblağdan yedi yüz akçesin almış hâliyâ ben dahi mezbûre Kirana’dan üç yüz akçe aldım muslihu’l-müslimîn araya düşüp es-sulhu hayrun ile âmil olup mezbûreden bana bu def‘a üç yüz akçe alıverildi ben bedel-i sulh üç yüz akçeyi kabz eyledim mezbûre ile min ba‘d ibrâ ve iskāt eyledik ba‘de’l-yevm da‘vâm ve nizâ‘ım olmaya deyicek mukırr-ı mezbûru mukarrun lehü’l-mezbûre Kirana mezkûr Emir’in vekîli olan Kapıcı’ya yedi yüz akçe verdim ve hâliyâ mezkûr Emir’e dahi üç yüz akçe verdim bâkīsin ibrâ ve iskāt eyledik [de]diklerinden sonra mezkûrların ikrârları mu‘teber görülüp ve ba‘de’t-taleb ve’s-su’âl mâ hüve’l-vâkī‘ tescîl olundu. Şuhûdü’l-hâl: Usta Hüseyin b. Abdullah ve Bâli b. Aslıhan ve Hızır b. Ahmed ve Ali b. Musa ve Papa Yani b. Nikola ve Kosta b. Markova ve gayruhüm.