Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 246 Hüküm no: 577 Orijinal metin no: [67b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hızır b. Ahmed’e hakaret eden Makriyani’nin tazir olunması Sebeb-i tahrîr-i sicil budur ki Muhzır Hızır b. Ahmed şer‘-i şerîf meclisine karye-i Kadı’dan Makriyani nâm zimmî ile hâzırân olup mezbûr Ahmed takrîr-i merâm kılıp dedi ki işbu mezkûr Makriyani bana bre gidi dedi deyicek mezkûr Hızır’dan beyyine taleb olundukda Hamza b. Şaban ve Ali b. Musa mersûm Hızır’ın da‘vâsına mülâyim şehâdet ettiklerinden sonra ba‘de’t-tezkiyye [ve]’t-tahlîf hayyiz-i kabûlde vâkī‘ olup mezbûr Yani’ye ta‘zîr olunup tescîl olundu. Şuhûdü’l-hâl: Kılavuz b. Aslıhan ve Dede b. Hasan ve gayruhüm.