Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 250 Hüküm no: 591 Orijinal metin no: [69b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Abdullah’ın Emir b. Çepni’ye borçlu olduğu Vech-i tahrîr-i hurûf oldur ki Emir b. Çepni ile Hasan b. Abdullah meclis-i şer‘de hâzırân olup mezbûr Emir takrîr-i merâm kılıp mersûm Hasan’da iki bin akçem vardır taleb ederim deyicek merkūm Hasan bi’l-mukābele istintâk olundukda bin akçe mezbûr Çepni’ye deynim vardır bin akçe dahi mezbûr Çepni’nin İbrahim b. Hızır’da var idi ben mala kefîl idim ol cihetten iki bin deynim vardır deyû ikrâr edicek zikr olan iki bin akçe mersûm Hasan’dan merkūm Emir b. Çepni’ye hükm olunup kaziyye vukū‘ üzre deftere kayd olundu. Tahrîren fî evâsıtı Muharremi’l-harâm sene 942. Şuhûdü’l-hâl: Ramazan b. Ahmed ve Burak Reis b. Mustafa ve gayruhüm mine’l-hâzırîn. Meblağ-ı mezbûra muhzır Kılavuz havâledir.