Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 252 Hüküm no: 598 Orijinal metin no: [70a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. Ahmed’in Abdi b. Şaban’a hakaret ettiği Kaziyye budur ki Abdi b. Şaban mahfil-i şer‘a hâzır gelip bilesine Mahmud b. Ahmed’i ihzâr edip üzerine takrîr-i merâm kılıp dedi ki bana bre rosbi kahbenin oğlu dedi taleb ederim deyicek mezkûr Mahmud’dan su’âl olundukda bi’l-mukābele inkâr eyledi gıbbe’l-inkâr müdde‘î-[i] mezbûrun da‘vâsına muvâfık beyyine taleb olundu udûl-i müslimînden Hüseyin b. Mürüvvet ve Lütfi b. İsmail şehâdetleri ile sâbit olup sicil olundu. Tahrîren fî evâhiri Muharremi’l-harâm sene isnâ ve erba‘în ve tis‘a mi’e. Şuhûdü’l-hâl: Musa b. İsâ, Ali b. İbrahim ve Ali b. Mehmed ve muhzır Mustafa b. ( ) ve gayruhüm.