Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 253 Hüküm no: 600 Orijinal metin no: [70b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhzır Mustafa’nın yolunu kesen Kara Ali b. Abdullah’ın sarhoş olduğu Vech-i kaziyye budur ki Muhzır Mustafa meclis-i şer‘a hâzır gelip bilesine Kara Ali b. Abdullah ihzâr edip üzerine takrîr-i merâm kılıp dedi ki mezkûr Kara Ali Lâğımcı Murad nâm zimmî[yi] şer‘[-i şerîf] meclisine getirirken yolum basıp gömleğimi yırtıp tahfîf-i şer‘ eyledi deyicek elân dahi şerhoştur dedikde mezkûr Kara Ali’den su’âl olundukda bi’l-mukābele ikrâr ve i‘tirâf kılıp dedi ki mezkûrun yoluna vardım şürb-i hamr eyledim elân dahi sarhoşum dedikde mezkûrun vech-i meşrûh üzre ikrârı tescîl olundu. Tahrîren fî evâhiri Muharremi’l-harâm sene isnâ ve erba‘în ve tis‘a mi’e. Şuhûdü’l-hâl: Süleyman b. Hacı ve Ali b. Mustafa, Yusuf b. Abdullah, Hamza b. Hızır, Hızır b. ( ) ve gayruhüm.