Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 254 Hüküm no: 602 Orijinal metin no: [70b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yava haraççısı olan Ali b. Musa’nın mukataa bedeli olarak baş âmil Ali Bey b. Yusuf’a bir miktar para verdiği Vech-i kaziyye budur ki Nefs-i Üsküdar’da yava harâc[cı]sı olan Ali b. Musa mahfil-i şer‘a baş âmil olan Ali Bey b. Yusuf ile hâzırân olup mezkûr [Ali b.] Musa bi’l-muvâcehe takrîr-i merâm kılıp dedi ki sene ihdâ ve erba‘în ve tis‘a mi’ede vâkī‘ olan mukāta‘âtdan mezkûr Ali Bey’e altı yüz akçe verdim bâkīsi zimmetimdedir deyicek mezkûr Ali Bey müşârün-ileyh[i] cemî‘-i kelâmında tasdîk edip mezkûr Ali b. Musa talebiyle sebt-i sicil olundu. Tahrîren fî 25 Muharremi’l-harâm sene isnâ ve erba‘în ve tis‘a mi’e. Şuhûdü’l-hâl: Ahmed b. Hasan ve muhzır Hızır b. ( ), Süleyman b. Şaban ve gayruhüm. Def‘a mukāta‘a-i mezkûrdan iki yüz akçesin dahi aldım deyû ikrârı sicil olundu.