Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 255 Hüküm no: 607 Orijinal metin no: [71a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Mehmed Vakfı’nın Yorgi b. Öksüz’den alacaklı olduğu Sebeb-i tahrîr-i sicil budur ki Nefs-i Üsküdar’da Hacı Mehmed evkāfına mütevellî olan Süleyman b. el-Hacı Mehmed mahfil-i şer‘a gelip bilesine karye-i Kadı’dan Yorgi b. Öksüz[’ü] ihzâr edip üzerine takrîr-i merâm kılıp dedi ki sende bin altı yüz elli akçe olup hâliyâ taleb ederim deyicek mezkûr Yorgi’de[n] su’âl olundukda bi’l-mukābele ikrâr eyledikden sonra meblağ-ı mezbûrun ahzına muhzır Bâli havâle ta‘yîn olunup tescîl olundu. Tahrîren fî evâhiri Muharremi’l-harâm li sene isnâ ve erba‘în ve tis‘a mi’e. Şuhûdü’l-hâl: Mustafa b. Mehmed, İvaz b. Şâzî, Berber Hasan ve gayruhüm.