Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 256 Hüküm no: 609 Orijinal metin no: [71b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Andriye b. Sedi’nin Todora b. Manol’ü bıçak ile yaraladığı Kaziyye budur ki Karye-i Karye-i İstavros’dan Todora b. Manol meclis-i şer‘a hâzır olup bilesine karye-i mezkûrdan Andriye b. Sedi[’yi] ihzâr edip üzerine takrîr-i da‘vâ kılıp dedi ki mezkûr Andriye beni bıçak ile vurup mecrûh eyledi deyicek mezkûr Andriye’den istifsâr olundukda bi’l-mukābele ikrâr eyledikden sonra mezkûr Todora’ya mezkûr Andriye’den hakkın alıverelim deyicek hasbetenlillâh mezkûrda olan hakkından ferâgat eyleyip kaziyye mâ hüve’l-vâkī‘ sebt-i sicil olundu. Tahrîren fî evâhiri Muharremi’l-harâm li sene 942. Şuhûdü’l-hâl: Muhzır Kılavuz ve Mustafa ve İskender b. Abdullah, Taşçı b. Hacı Üveys ve gayruhüm.