Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 265 Hüküm no: 634 Orijinal metin no: [75a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Musa’nın Selman Ağa Vakfı’ndan ödünç aldığı Sebeb-i tahrîr-i sicil budur ki Ali b. Musa meclis-i şer‘de ikrâr ve i‘tirâf kılıp eyitdi ki merhûm Selman Ağa vakıf akçesinden mütevellî olan Süheyl nâm kimesneye târih-i kitâbdan bin akçe ve yüz akçe dahi kaftan bahâsından cem‘an bin yüz akçe lâzımü’l-edâ deynim vardır dedikde zikr olan meb[la]ğın edâsına Hızır b. Ahmed kefîl oldum dedikden sonra mukırr-ı mezbûru mukarrun lehü’l-mezbûr Süheyl bi’l-muvâcehe tasdîk edip tescîl olundu. Tahrîren fî 942, fî Muharremi’l-harâm. Şuhûdü’l-hâl: Budak b. Dâvud ve Süleyman Halîfe b. Mehmed ve Kılavuz b. Aslıhan ve kâtibü’l-hurûf Abdülkādir ve gayruhüm.