Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 271 Hüküm no: 655 Orijinal metin no: [77a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdurrahman b. Gündüz’ün Kemal Vakfı’ndan ödünç aldığı Sebeb-i tahrîr-i sicil budur ki Karye-i Viran’dan Abdurrahman b. Gündüz şer‘-i şerîf meclisinde i‘tirâf edip dedi ki merhûm Kemal vakıf akçesinden işbu Süheyl nâm kimesneye bin beş yüz akçe karzdan ve yüz seksen sekiz akçe kaftan bahâsından cem‘an bin altı yüz seksen sekiz akçe lâzımü’l-edâ ve vâcibü’l-îfâ târih-i kitâbdan bir yıl va‘de ile deynim vardır deyicek mukırr-ı mezbûru mukarrun lehü’l-mezbûr Süheyl bi’l-muvâcehe tasdîk edip zikr olan malın edâsına İbrahim b. Gündüz kefîl bi’l-mâl oldum dedikden sonra mâ hüve’l-vâkī‘ bi’t-taleb tescîl olundu. Tahrîren fî evâili Muharremi’l-harâm sene 942. Şuhûdü’l-hâl: Hasan Fakīh b. Süleyman, Mehmed b. Şaban ve Karaca b. Sarıca ve gayruhüm.