Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 273 Hüküm no: 660 Orijinal metin no: [77b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hoca Abdullah b. Bahşî’nin Selman Ağa Vakfı’ndan ödünç aldığı Sebeb-i tahrîr-i sicil budur ki Hoca Abdullah b. Bahşî meclis-i şer‘de i‘tirâf edip dedi ki merhûm Selman Ağa vakıf akçesinden işbu mütevellî olan Süheyl nâm [kimesneye] karzdan iki bin ve kaftan bahâsından iki yüz cem‘an bin iki yüz akçe lâzımü’l-edâ deynim vardır deyicek mukırr-ı mezbûru mukarrun lehü’l-mezbûr [Süheyl] bi’l-muvâcehe tasdîk edip meblağ-ı merkūmun edâsına Beşir Fakīh b. Hüsam kefîl oldukdan sonra tescîl olundu. Târihü’l-mezbûr. Şuhûdü’l-hâl: İlyas b. Hüsam ve Turasan b. Kara ve Kılavuz b. Aslıhan ve Hızır Bey b. Ahmed ve gayruhüm.