Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 284 Hüküm no: 693 Orijinal metin no: [81b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâli b. Aslıhan’ın Yani b. Demirci’den alacaklı olduğu Sebeb-i tahrîr-i sicil budur ki Bâli b. Aslıhan şer‘-i şerîfe hâzırân olup bilesine karye-i İstavros’dan Yani b. Demirci ihzâr edip üzerine takrîr-i da‘vâ kılıp dedi ki mezkûr Yani’ye karz-ı hasen yüz elli akçe verdim hâliyâ taleb ederim deyicek mezkûr Yani’den istifsâr olundukda bi’l-mukābele inkâr eyledi gıbbe’l-inkâr müdde‘î-i mezbûrun da‘vâsına muvâfık beyyine taleb olundu udûl-i müslimînden Hızır b. Ahmed ve Emir İbrahim b. Yusuf şehâdet edip biz şâhidleriz şehâdet dahi ederiz ki mezkûr Bâli’nin müşârün-ileyh Yani zimmetinde karz-ı hasenden yüz elli akçesi vardır deyû şehâdet eylediklerinden sonra şehâdetleri ba‘de’t-tezkiyyeti’ş-şer‘î ve’t-tahlîf-i âdî hayyiz-i kabûlde vâkī‘ olup sicil olundu. Meblağ-ı mezbûrun ahzına muhzır Mustafa havâle ta‘yîn olunup sicil olundu. Tahrîren fî evâhiri Saferi’l-muzaffer li sene 942. Şuhûdü’l-hâl: Mevlânâ Ramazan b. Ahmed ve Hacı Süleyman b. Abdi ve Kâtib.