Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 285 Hüküm no: 697 Orijinal metin no: [82a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Çepni’nin Kara Lütfi’den alacaklı olduğu parayı vekili Mürüvvet’ten istemesi Sebeb-i tahrîr-i sicil budur ki Emir b. Çepni mahfil-i şer‘a hâzır olup bilesine karye-i Domuzlu’dan Mürüvvet [b.] İsâ Hacı ihzâr edip üzerine takrîr-i da‘vâ kılıp dedi ki bundan sâbık karye-i mezkûrdan Kara Lütfi nâm kimesneye karz-ı hasen bin akçe vermiştim hâliyâ mezkûr fevt olup zimmetinde kaldı. Öyle olsa mezkûr Mürüvvet[’i] vekîl edip gönderdim hâliyâ varıp mezkûr Kara Lütfi’nin iki siyah camus öküzünü oğlundan alıp hâliyâ Hasan nâm kimesneye bey‘ eylemiş akçem taleb ederim deyicek mezkûr Mürüvvet’ten istifsâr olundukda bi’l-mukābele ikrâr edip dedi ki mezkûr Çepni gerçektir vardım oğlundan aldım Hasan nâm kimesneye bey‘ eyledim deyicek ikrâr sicil olundu. Tahrîren [fî] Safer li sene 942. Şuhûdü’l-hâl: İvaz b. Şâzî ve Selim Paşa b. Hasan ve Mevlânâ Ramazan b. Ahmed ve kâtibü’l-hurûf.