Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 310 Hüküm no: 762 Orijinal metin no: [93b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta b. Lavod’un bostan mukataasından Papa İlye’ye borçlu olduğu Vech-i tezkire budur ki Karye-i Çengel’den Kosta b. Lavod şer‘-i şerîfe hâzır olup bilesine muhzır Kılavuz ihzâr edip mezkûr Kosta bi’l-mukābele ikrâr ve i‘tirâf kılıp dedi ki bundan akdem Papa İlye nâm papaza bostan mukāta‘asından bin üç yüz seksen akçe deynim var idi üç yüz altmış akçesin muhzır-ı mezbûra teslîm eyledim bâkī bin yirmi akçe deynim vardır on güne bende olan bin yirmi akçe mala karye-i mezbûrdan Andriye b. Samandıra ve anam Kirana ve İstemad kefîl bi’l-mâl olsunlar deyicek mezkûrûn bi’l-mukābele kefîl bi’l-mâl oldukları muhzır-ı mezbûr talebiyle tescîl olundu. Tahrîren fî 21 evâhiri Rebi‘ilevvel sene isnâ ve erba‘în ve tis‘a mi’e. Şuhûdü’l-hâl: Emir b. Çepni, Behlül b. Süleyman, Mustafa b. Mehmed ve gayruhüm.