Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 326 Hüküm no: 815 Orijinal metin no: [99b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Davud Paşa Camii ferrâşı Yarımca Hamza’nın yerine Ali b. İlyas’ı tayin ettiği Sebeb-i tahrîr-i sicil budur ki Merhûm Dâvud Paşa câmi‘inde yevmî iki akçe ile kayyım ve ferrâş olan Yarımca Hamza b. Abdullah ile Mütevellî Kemal ve Hatîb Süleyman Halîfe ve müezzin Mahmud meclis-і şer‘a hâzırûn olduklarında mezbûr Yarımca Hamza ikrâr ve i‘tirâf kılıp dedi ki pîr-i nâ-tuvân oldum bi’t-tamâm edâ-i hizmetde aczim olduğu sebebden vakfımdan yevmî bir akçe ile işbu Ali b. İlyas[’ı] nâib nasb ettim deyicek mukırr-ı mezbûrun ikrârını mukarrun lehü’l-mezbûr İlyas tasdîk ettikten sonra mezbûr İlyas gāyet fakīrü’l-hâl ve sulehâdan olmağın mütevellî-і mezbûr ma‘rifeti ile imâret-і mezbûreden yevmî bir ekmek ta‘yîn olundu vâkıfın rûhuna ve pâdişâhımızın -dâm-ı devletühu- du‘âya müdâvemet edip hizmet ede bi’t-taleb mâ hüve’l-vâkī‘ sebt-і sicil olundu. Hurrire fî evâsıtı Rebi‘ilâhir sene isnâ ve erba‘în ve tis‘a mi’e. Şuhûdü’l-hâl: Süleyman Halîfe b. Alaca, Bâli b. Aslıhan ve Mevlânâ Ramazan b. Ahmed ve gayruhüm mine’l-hâzırîn.