Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 330 Hüküm no: 828 Orijinal metin no: [101a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Abdullah’ın sığır gütme ücretinden Mehmed b. Süleyman’dan alacaklı olduğu Sebeb-i tahrîr-i sicil budur ki Hasan b. Abdullah Yoros kazâsından Timur Çelebi nâm karyeden Mehmed b. Süleyman ihzâr edip üzerine takrîr-i da‘vâ kılıp dedi ki mezkûrun yetmiş aded sığırın on bir ay güdüp hakkım zimmetindedir hâliyâ taleb ederim deyicek mezkûr Mehmed’den istifsâr olundukda hesâb olunup bir mikdâr akçesin vermiş bulunup bâkī zimmetinde yüz elli bir akçe dahi kalıp meblağ-ı mezbûra muhzır Hızır havâle ta‘yîn olunup sicil olundu. Tahrîren fî evâhiri Rebi‘ilâhir li sene isnâ ve erba‘în ve tis‘a mi’e. Şuhûdü’l-hâl: Hüsam Bey b. Abdullah, Mustafa b. Mehmed, Behlül b. Süleyman ve gayruhüm.