Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 331 Hüküm no: 832 Orijinal metin no: [101b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskender Bey b. Abdullah ile Todora b. Yorgi’nin darp davasından sulh oldukları Sebeb-i tahrîr-i sicil budur ki Karye-i Kadı’dan Todora b. Yorgi meclis-i şer‘a gelip bilesine Yorgi b. Yani’yi ihzâr edip üzerine takrîr-i da‘vâ kılıp dedi ki beni muhkem let eyledi hâliyâ hakkım taleb ederim deyicek mezkûr Yorgi bi’l-mukābele ikrâr eyledikden sonra muslih-і müslimîn araya girip es-sulhu hayrun ile amel eyleyip mâbeynlerinde olan hukūkdan tarafeyn ferâgat eyledik deyû ikrârları sicil olundu. Tahrîren fî evâhiri Rebi‘ilâhir li sene isnâ ve erba‘în ve tis‘a mi’e. Şuhûdü’l-hâl: Emir b. Çepni, Hızır b. Ahmed ve kâtibü’l-hurûf, Kosta b. Yorgi, Ali b. Abdullah. Mezkûr Todora’nın nefsine Ali b. Abdullah kefîl olup tescîl olundu.