Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 333 Hüküm no: 837 Orijinal metin no: [102b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Beytülmâlci İskender b. Abdullah’ın kaybolan Nikola’nın ekili baklasını satan Ali b. Veli’den parayı istemesi Sebeb-i tahrîr-i sicil budur ki Yava ve beytülmâl zâbit[i] olan İskender b. Abdullah meclis-i şer‘a gelip bilesine karye-i İstavros’dan Ali b. Veli ihzâr edip üzerine takrîr-i da‘vâ kılıp dedi ki bundan akdem Nikola nâm zimmî gaybet-і münkatı‘la gāib olup yerde ekilmiş baklası bulunup hâliyâ ol baklayı sen iki yüz akçeye bey‘ eylemişsin taleb ederim deyicek mezkûr Ali b. Veli’den istifsâr olundukda bi’l-mukābele ikrâr sicil olundu. Tahrîren fî evâhiri Rebi‘ilâhir li sene isnâ ve erba‘în ve tis‘a mi’e. Şuhûdü’l-hâl: Mustafa b. Abdullah, Bâli b. Aslıhan ve Mustafa b. Mehmed ve kâtibü’l-hurûf. Meblağ-ı mezbûru Ali b. Veli üç güne değin getirmesine mültezim olup sicil tamâm olundu. Cum‘a gün va‘de. Meblağ-ı mezbûra muhzır Mustafa havâle ta‘yîn olundu.